New Delhi-ah Meghalaya Pineapple Festival buatsaih

Meghalaya sorkar chuan nimin, July 10 aṭang khan New Delhi-a Dilli Haat-ah Meghalaya Pineapple Festival edition palina a buatsaih. He festival hi state thar chhuah lakhuihthei hralhna tura market tihzauh leh, loneituten hamṭhatna zau zawk an neih theihna tura buatsaih a ni.

Union minister for development of north eastern region (DoNER) Jyotiraditya Scindia chuan festival hi a hawng a, state chief minister Conrad K. Sangma pawhin a hmanpui a ni. Festival hi Department of Agriculture & Farmers’ Welfare buatsaih a ni a, ni thum chhung a awh ang. He hun hi state flagship platform pawimawh tak niin; consumer, retailer, institutional buyer, food business leh export market-te nen thlunzawmna hun remchang siamna tura ruahman a ni.

Meghalaya thar chhuah lakhuihthei hi a thlum ṭhat leh acidity hniam vangin hriat a hlawh hle. Brix valeu hi 16-1`8 niin, ram chhung bakah international market lamah pawh zawn nasat a ni tawh. Tun hnaiah Jirang Organic Agro Farmers Producer Organization hmalaknain Dubai-ah pawh an lo thawn chhuak tawh a ni.