Naga pawl hrang hrangten Flag leh constitution hran neih duh

Nagaland deputy chief minister Y.Patton chuan Naga peace accord ziah felnan hun nghah a la ngai deuh dawn tih sawiin, NSCN-IM bakah Naga pawl hrang hrangte chuan flag leh constitution hran an neih theih nan an la bei zel dawn a ni, a ti. 

Home portfolio changtu ni bawk, Pattoon chuan chief minister Neiphiu Rio nen inremna ziahfel a nih hma ngeiin, prime minister Narendra Modi leh union home minister Amit Shah hmuh an tum dawn tih a sawi a, Delhi-ah an awm mek a ni. 

"Naga peace accord ziah fel nan chuan hun a la ngai deuh dawn a ni. He inremna siam turah hian tuna sorkar chanvo hi eng tak nge a nih dawn tih hriat kan duh. Hemi chungchang hi PM leh Home Minister kan sawipui dawn a ni," tiin Patton chuan a sawi. Sorkar laipui chuan engmah thup ṭhen loin, thudik tak a hrilh a ngai a ni, a ti.