Meghalaya : East Khasi Hills DMHO-in monsoon health advisory tichhuak

Meghalaya-a East Khasi Hills-a District Medical and Health Officer (DMHO) chuan public health advisory tichhuakin, fur ruahtui tlak laia natna hrang hrang leng thei laka mipui in veng fimkhur turin an ngen. Advisory tihchhuahah hian thosi seh aṭanga natna, scrub typhus, water-and food-borne disease bakah pa (mushroom) poisoning a hluar thei tih an tarlang.

Mipuite chu an chenna in leh a chhehvela tui tlin theihna endik turin an chah a, hei hian motor ke chhia, container leh thil dang thosi pian theihna hmunte pawh a tel. Thosilen emaw thosi hlo hmang turin mipui an chah bawk a, a bik takin zing leh tlai lamah thosi seh lohna tura inthuam a pawimawh thu an tarlang. Food-and water-borne natna laka invenna atan health department chuan mipuite chu ei leh in fimkhur turin an chah bawk.

Chenna in leh a chhehvel vawnfai pawimawh zia sawiin, mipuite chu tui tlin tamna hmun bulhnaia awm lo tur leh, mihring chenna hmuna vawk vulh lo tura hriattir an ni. Pa (mushroom) hriat chian loh lakah fimkhur turin an chah bawk. Sikul, office leh institution-te chu tui tlin theihna uluk taka endik tura hriattir an ni a, thianghlimna vawng tura tih an ni bawk. Fur ruahtui tlak tam laia natna hrang hrang tam zawk chu mahni invawn thianghlimna leh, chenna leh a chhehvel tihfai hmangin a pumpelh theih tih tarlangin, natna neite chu a hun taka damdawi-in pan tura an ti.