Meghalaya : CM-in CM CONNECT centre hawng

Meghalaya chief minister Conrad K Sangma chuan July 18 khan,state-a block-level CM CONNECT Centre hmasa ber chu Sohiang-ah hawngin, infrastructure leh public service tihchakna atan hmasawnna project thawhna tur Rs vbc 140 a puang bawk. Project hi sector hrang hranga thawh tur a ni a, chung zingah chuan tourism, kawng siam, tui supply, loneih, vantlang infrastructure-te an tel.

Hawnna hi CM CONNECT Block Level Community Interaction Programme-ah neih a ni a, mipui leh sorkar inkara inzawmna tihchakna tura hmalakna a ni. Programme hi mipuiten tualchhunga harsatna an tawh an sawi chhuah theihna tura duan a ni a, sorkar official-te nen direct-a an inbiak theihna tur leh, hmalakna kalpui mekte tihhmasawnna tura sawi hona hun remchang a ni bawk.

Chief Minister chuan block-level thlenga inrelbawlna kalpui chuan mipui leh sorkar thawh hona a tichak dawn a, hmasawnna project chak zawka kalpui a nih dawn bakah, mipuiin lungawi lohna an neihte tlang taka an sawi theihna tur a nih thu a sawi. CM CONNECT Centre hawn thar hian thuneitute leh tualchhung mite inkarah thawh hona ṭha zawk siamin, sorkar service-te chu a bulṭhut aṭangin chak zawka kalpui a ni dawn a ni.