Manipur : KCP firfiak pawl member 46 inpe

Manipur-a dan pawna hnawl, Kangleipak Communist Party (People's War Group) member 46-te chu Thawhlehni khan security force-te kutah an inpe tih police-te chuan an sawi. State khawpui Imphal-a Mantripukhri-a Assam Rifle inspector general headquarters-a homecoming ceremony neiha thu a sawiah, chief minister Yumnam Khemchand Singh chuan remna leh muanna tluantling a awm theihna tura hun chhinchhiah tlak a nih thu sawiin, hel inpete chu state hmasawnna tura hma la turin a ngen bawk.