Hmarchhak bial tourism project atan Rs vbc 2,998.87 sanction a ni: Union Tourism Minister

Union tourism minister Gajendra Singh Shekhawat chuan July 23 khan Rajya Sabha-ah hmarchhak bial tourism infrastructure thuam chakna atan Rs vbc vbc 2,998.87 sanction a nih tih a sawi. Sorkar laipui scheme hrang hrang hnuaia tourism project 60 thawhna atan Central Financial Assistance (CFA) aṭangin sum hi pek a ni dawn tih a puang. Minister chuan sum lama ṭanpuina chu Swadesh Darshan, Swadesh Darshan 2.0, Challenge Based Destination Development (CBDD) leh Pilgrimage Rejuvenation and Spiritual Heritage Augmentation Drive (PRASHAD) hnuaiah tihpun a ni tih a sawi bawk.

Heng project te hi scheme inkaihhruaina zawm, Detailed Project Report (DPR) theh luh te leh fund awm dan a zira sanction a nih thu a sawi bawk. Shekhawat chuan kum 2024 December 6-8 chhunga Ministry of Development of North Eastern Region (DoNER)-in New Delhi-a a buatsaih, Ashtalakshmi Mahotsav 2024-ah hmarchhak bial kutchhuak, hnam ziarang leh ei leh in hrang hrang pholan a nih thu a sawi. DoNER Ministry chuan he event hian hmarchhak bialte theihna leh thiamna a lantir a, kut hnathawktute leh entrepreneur-te tan eizawnna lamah hun remchang a siamsak tih a tarlang.

Minister chuan Ministry of Tourism in kumtin International Tourism Mart chu hmarchhak state hrang hrangah rotational basis-in a buatsaih ṭhin tih sawiin, hei hi bialin tourism lama theihna a neih tihhmasawn, investment hipna tur leh stakeholder-te thawh hona tihchakna tura duan a ni, a ti. Kum 2025 May thla khan DoNER Ministry chuan New Delhi-ah Rising North East Investors Summit a buatsaih tih a sawi bawk.