Manipur : CM-in welfare fund sem chhuak

Manipur chief minister Yumnam Khemchand Singh chuan Nilaini, July 22 khan state chhunga Social Welfare Department-in scheme 17 a kalpui hnuaia hamṭhatna dawngtu, mi nuai 2.4 chuang hnenah welfare fund Rs vbc 91.66 a sem chhuak. Pension Processing System mumal zawka kalpui a nih theihna turin Integrated Monthly Pension Processing System a tlangzarh bawk. Welfare fund sem chhuahna programme hi Imphal-a City Conventional Centre-ah neih a ni.

He huna thu a sawiah, Chief Minister chuan kum thum liam ta chhungin state-ah buaina nasa tak a chhuak a, hunrei tak tualchhungah buaina a thlen tawh avangin mipui tam takin sum leh rilru lamah harsatna an tawk a ni, a ti. Prime minister Narendra Modi leh union finance minister, Nirmala Sitharaman kaihhruaina hnuaiah msum lama harsatna tawkte phurrit tihziaawmna turin sorkar chuan hmalakna eng emaw zat a kalpui tih a sawi bawk. He ṭanpuina hian hamṭhatna dawngtute tan hahdamna a thlen a beisei thu leh, mi harsa zawkte ṭanpui tur sorkar inpekna a sawilang bawk.

State-ah hun rei tak daih remna leh muanna siam a pawimawh thu sawiin, CM Singh chuan state siamṭha leh turin inlungrualna leh thawhrimna neih a ṭul tih a sawi. Mipuite chu state hmasawnna atan thawh hona ṭha nei turin a ngen bawk a ni. Chief Minister hian Monthly Pension Processing System a tlangzarh bawk a, hemi hmang hian thlatina pension-te hlawh chu langtlang leh a hun taka pek an ni thei dawn tih a sawi a ni.