AICC team-in Tripura tlawh dawn

Union minister hlui Jairam Ramesh kaihhruaiin, All India Congress Committee (AICC)  member panga chuan vawiin hian Tripura an tlawh dawn. 

AICC team hian state Congress hruaitute kawmin, grass-root level aṭanga an party dinhmun siamṭhat dan turte an sawipui ang. Tripura tlawh tur team-ah hian AICC general secretary Mukul Wasnik, union minis­ter hlui Jitendra Singh bakah Manickam Tagore leh Moha­mmad Ali Khan te an tel. 

Tripura hian nakkumah Tripura Tribal Areas Auto­nomous District Council (TTAADC) inthlan a hma­chhawn dawn a, hemi atana inbuat­saihna kawng khat atan AICC team hi an kal a ni. Hemi hma hian AICC general secretary Luizinho Faleiro leh a deputy, Bhopen Bora te pawhin an lo tlawh tawh bawk.