Arunachal Pradesh chief minister-in Arunachal tan time zone hran duh

Arunachal Pradesh chief minister Pema Khandu chuan an state tan all-India service cadre leh time zone hran a duh thu a sawi.

Pema Khandu chuan hmarchhak state-te chuan mainland India  aiin khaw eng an hmu hma zawk a, mahse India ram puma time zone pakhat hman a nih avangin, zing lam hun tam tak chu awmze nei loin a ral a ni, a ti. 

Hmarchhak bialah chuan ni chhuah hun leh tlak hun te a hma zawk avangin, time zone hran hman chuan energy tam tak an hum thei dawn tiin a sawi. Office kal hun leh hnathawh hun bithliahte chu India ram pumah ang khata hman a ni a, mahse ni chhuah hunte a in an loh avangin hmarchhak bialah chuan zing lam hun tam tak chu hman ṭangkai lohin a liam a, hei bakah hian khua a thim hma leh zawk avangin office leh vantlang hmunahte light hman a ngai hma a, energy hman ral a tam phah a ni, tiin a sawi. 

Hmarchhak state dangte pawhin time zone hran an duh thu hi an lo sawilang fo tawh a ni.