Nagaland : Department-te plastic-free hmalakna kalpui turin hriattir

Nagaland chief secretary, Sentiyanger Imchen chuan Ningani khan department zawng zawngte chu plastic-free hmalakna kalpui dan tur ruahmanna siam turin a hriattir. State khawpui Kohima-a Nagaland Civil Secretariat-a Secretariat Conference Hall-a department administrative hruaitute leh department head-te nena meeting an neih kaihruaiin, Imchen chuan department-te chu chenna leilung leh a chhehvel humhalh kawnga hmalakna tihhmasawn kawngah entawntlak taka hma hruai turin a ngen.

Meeting-ah hian home commissioner Abhijit Sinha chuan sorkarin Plastic Free leh Green Office hmalaknate a pholang a ni. Sinha chuan department-te chu official function leh office event-ahte plastic hmanga siam hmanrua hmang lo turin a chah bawk. He hmalakna hi khauh taka kalpui tura chahin, plastic hman lohna sorkar office siam tura thawh hona ṭha neih a pawimawh thu a sawi.

Principal secretary leh development commissioner, Y Kikheto Sema chuan sorkar programme hrang hrangte a hun taka kalpui a nih theihna turin, department zawng zawng chu State Plan hnuaia hmalaknate a hun taka kalpui a nih theihna atan Calendar of action hun ruat anga tifel vek turin a hriattir. Meeting-ah hian member-te chuan he hmalakna hi kalpui a nih thuai a nih theihna tura rawtna an neihte an tarlang bawk a ni.