Sikkim CM leh BJP MLA pahnih lalut

Sikkim assembly by-election neih zawh taka thlan tlin, chief minister leh Sikkim Krantikari Morcha (SKM) party hruaitu Prem Singh Tamang (Golay) leh Bharatiya Janata Party(BJP) MLA pahnih Sonam Tshering Venchungpa leh YT Lepcha te chu Thawhṭanni khan Sikkim Legislative Assemby member atan rinawmna thu tiam tira lakluh an ni. 

Speaker LB Das chuan MLA pathumte hi rinawmna thu a tiamtir a ni. Member tharte lakluhna tur hian Speaker chuan 10th Sikkim Legislative Assembly special session hi a ko a ni. Speaker chuan MLA 12, Sikkim Democratic Front (SDF) aṭanga BJP-a inlet leh, SDF aṭanga SKM-a inlette chuan Assembly-ah document kimchang an la thehlut lo tih a sawi. Hei vang hian Assembly-a party-te ṭhut dan tur pawh thlak danglam a la ni rih lo. 

MLA thlan tharte nen, rorellai SKM hian MLA 19 a nei ta a, a thawhpui BJP chuan MLA 12 a nei. SDF chuan MLA pakhat, chief minister hlui Pawan Cham­ling chauh a nei ta a ni.