Manipur-a IED puakah mi paruk hliam

Manipur khawpui, Imphal-ah nimin zing dar 9.20 vel khan Thangal Bazar leh Khoyathong junction inkarah chawhmeh zawrhna dawr kawtah im­pro­vised explosive device (IED) a puak a, mi parukin hliam an tuar. Hliam tuar zinga panga hi police an ni. 

IED puak hian dawr kawta two whee­ler ding ṭhenkhatte a tichhia a, a bula in tukverhte pawh a keh bawk. Police-te chuan thubuai an ziaklut nghal a, pawikhawihtute hi an chhui nghal tih an sawi. Hliam tuarte hi damdawiinah  hruai nghal an ni a, ngaihtuahawm lutuk an awm lo nia sawi a ni. 

CM N Biren Singh chuan police officer ṭhenkhat nen pawikhawihna thlenna hmun hi an tlawh nghal. CM chuan he thil thleng hi a dem thu sawiin, pawikhawihtute manchhuah an ni ngei theih nan sorkar chuan theihtawp a chhuah dawn a ni, a ti.