Meghalaya: VPP huaihawtin state sorkar laka lungawi lohna lantir

Meghalaya-a Voice of the People Party (VPP) thlawptu mi sang tel chuan nimin, August 6 khan state khawpui Shillong kawtthlerah lungawi lohna an lantir. State sorkar duh loh lantirin Meghalaya Main Secretariat lam panin kawng an zawh. He kawngzawh hi VPP president Ardent Miller Basaiawmoit chuan kaihruaiin, kawngzawhte chuan chief minister Conrad K. Sangma, National People's Party (NPP) leh deputy chief minister Prestone Tynsong leh Sniawbhalang Dhar an duh lohna thuziakte an keng a ni.