FSSAI-in Tripura packaged drinking water license titawp

Food and Standards Authority of India (FSSAI) chuan, Tripura-a Gomati district-a packaged drinking water manufacturing unit an endik hnuah, ei leh in siam kawnga dan awmsa tam tak an zawm lo tih an hmuh chhuah avangin an license tihtawp sak a ni tih official-ten an sawi.

Official thuchhuah chuan M/s Matri Drinking Water lakah hremna hi lekkawh a ni a, tui in tur package-ah ram pawn lam material a awm nia complaint theh luh a nih hnuah he hremna hi pek a ni. Hemi hnua FSSAI official-te'n an enfiahnaah, consumer hriselna atana harsatna pawi tak thlen thei thil eng emaw zat hmuh chhuah a ni. Endikna an neihah hian tui in tur package-te hi siam zawh a nih hnuah thil siamna hmun pawn chhuatah duhdah taka dah a ni tih an hmu chhuak.

Official-te chuan tui siamna hmun leh filling area-ah thianghlimna dinhmun a ṭha lo hle tih sawiin, facility bang a chhiat bakah maimawmril leh rannung dangten nasa takin an bawm tih an hmuchhuak bawk a ni. Hei bakah inspector-te chuan chemical dosing container tuiek tawh, reverse osmosis (RO) water storage tank hman a ni tih an hmuchhuak bawk a, FSSAI chuan hetiang hmanrua hman hian tui in tur a tibawlhhlawh thei a, consumer-te hriselna atan a him lo tih an sawi. Hetiang a nih avang hian FSSAI chuan M/s Matri Drinking Water license chu a tihtawp sak ta a ni.