Arunachal : Yagamso lui aṭangin bawlhhlawh kg 5,220 thian fai

Arunachal Pradesh khawpui, Itanagar-a Yagamso lui chu Inrinni khan volunteer-ten thenfai beihpui an thlak a, bawlhhlawh kg 5,220 vel an thian fai.

Lui thenfai beihpui thlakna hi Youth Mission for Clean River (YMCR) leh, Abralow Memorial Multipurpose Society ṭangkawpin Itanagar Smart City Development Corporation Limited puihnaa an kalpui a ni. He drive buatsaihtute chuan lui aṭanga bawlhhlawh an lakkhawm zingah disposable plate leh darthlalang leh a kaihhnawih a tam tih an sawi a, heng bawlhhlawhte hi lui aṭang hian 9,000 vel an thian fai a ni. Hei bakah cement bag, buhfai bag leh online-delivery bag 8,500 vel an thianfai tih sawiin, plastic lam 8,000 vel an thian fai bawk.

Itanagar Municipal Corporation Ward No. 10 corporator, Yukar Yaro chuan pawl pahnih leh volunteer-te chu fakin, an hmalakna thlawp turin tualchhung mite a ngen. Yaro chuan mipuite chu luia bawlhhlawh paih lo turin a chah a, state thianghlim nei turin mipui ṭanrual a pawimawh thu a sawi. YMCR chairman SD Loda chuan mipuite chu tualchhunga luite humhalh tur leh, bawlhhlawh paih lo turin a ngen bawk. Mipuite chu an khawtlanga boruak thianghlim neih theihna turin inzirtirna thehdarh turin a chah bawk a ni.