Manipur : Truck driver-ten nawrh huaihawt dawn

Manipur-a National Highway 37-a bungraw phur truck tang zinga tel, truck driver pakhat Jiribam district-a Labankhal bulah nimin August 13 khan a lirthei chhungah thia hmuh a ni a, he thil thleng vanga truck driver-te lungawi lo chuan darkar 24 chhung Manipur-ah bungrua an phur lut dawn lo tih an puang. Sorkarin mitthi chhungte hnena zangnadawmna a pe lo emaw, truck driver-te harsatna tawh a ngaihthah a nih chuan lungawi lohna an lantir chhunzawm zel dawn tih an sawi.