Meghalaya: CM-in FCRA Bill JPC-a thlen lawmawm ti

Meghalaya chief minister Conrad K Sangma chuan August 12 khan, sorkar laipuiin Foreign Contribution (Regulation) Amendment Bill, Joint Parliamentary Committee (JPC)-a thlen tura thutlukna a siam chu lawmawm a tih thu sawiin, kohhran, sakhua leh zirna inten harsatna an tawhte ngai pawimawha hmalak a ṭul tih a sawi.

Sangma chuan a kaihhruai sorkar leh National People's Party (NPP) chu sorkar laipuiin dan siamṭha tura rawtna a siam chungchanga lungawi lohna thlen hmasa ber zingah an tel tih a sawi. Bill pharh a nih khan NPP chu Kiren Rijiju nen he thil hi buaipuitu party awmchhun an ni tih a sawi bawk. CM Sangma chuan Catholic Bishops’ Conference of India (CBCI) aiawh, president leh secretary general-te chu Rijiju hmu tura a kaihhruai thu sawiin, hemi hnu hian Meghalaya aṭanga palai dangte chuan union home minister, Amit Shah an hmu tih a sawi bawk.

CM Sangma chuan Chief Minister-te leh political party-te nen he thil hi sorkar laipui nen sawi hona an nei tih a sawi. He dan siamṭhat chungchanga rawtnate ngaihtuah ṭha tura JPC thlen a ni ta chu lawmawm a tih thu leh, pawl hrang hrang, kohhran leh sakhuaten lungawi lohna an neihte chu parliamentary panel-in a zirchian ngei a beisei thu a sawi.