PM hmu turin Assam CM a zin

Assam chief  minister Sarbananda Sonowal chu an state mamawh hrang hrangte prime minister Narendra Modi sawipui turin Delhi-ah a zin. 

Assam-ah hian sorkar laipuiin Citizenship (Amendment) Bill thar­thawh leh a tum chu pawl hrang hrangten duh lohna an lantir reng a, hei bakah hian Numaligarh Refinery Limited (NRL) privatise tum pawh nasa taka dodal a ni bawk. 

CM chuan heng chung­­chang hi PM sawi­pui a tum nghal bawk a ni. Sorkar laipui leh Naga helpawl, NSCN-IM ten inremna siam tura inbiakna an neih mekin an state-a a nghawng an duh loh chungchang pawh a sawilan rin a ni bawk.

Naga peace talk neih mek hi Nagaland state ṭhenawm dang, Aruna­chal Pradesh leh Manipur angin Assam-ah hian buaipui lutuk ni lo mah se, Nagaland ramri bul bialah erawh ngaihven a hlawh hle. Central-a BJP sorkar­in Parliament-ah CAB putluh leh a ni dawn tih a sawi hnuah, Assam-ah hian NESO leh AASU te chuan he bill duh lohna hi kawng hrang hrangin an lantir a, nawrh huaihawt chhunzawm zel pawh a tum tih an sawi. Civil society organisation hrang hrang chuan CAB ṭhat lohna mipuite hrilhhriat nan house-to-house campaign neihah sorkar chu an vau bawk.