Manipur-ah Jan 27 aṭangin Class IX leh chunglam kal dawn

Manipur education minister S Rajen Singh chuan January 27 aṭangin Class IX leh a chunglam tan school hawn ṭan a ni tawh dawn tih a sawi. 

Minister chuan tun hnaia cabinet meeting-ah school hawn tur hi sawi a nih thu a tarlang. Hemi rual hian school hawn hunah pawh SOP khauh taka kenkawh a nih tur thu a sawi nghal bawk. Zirlaite chu class an kal hmain Covid-19 test neihsak vek an ni dawn a, negative-te chauh an kal phalsak an ni ang. Hei bakah hian an nu leh pa emaw, a enkawltute emaw hnen aṭangin school kal an remtihsakna certificate an ken a ngai bawk ang. Zirlaite hnenah hand sanitiser, face mask leh sahbawnte pek an ni dawn bawk a ni.

Rajen  chuan fimkhur takin class pawh kalpui a ni dawn tih sawiin, a inchhawka kal pawh a ni maithei tih a sawi. School te pawh endik a nih reng tur thu a sawi bawk.