Assam CM hlui Prafulla Kumar Mahanta damdawi-inah dah

Assam chief minister hlui, Prafulla Kumar Mahanta chu a awm na leh thawk lama harsatna a neih avangin kar liam ta Zirtawpni zan khan Guwahati-a damdawi-inah dah a ni. 

Hospital thupuangtu chuan CM hlui hian gastritis a nei a, a taksa a chak lo hle a, mahse ngaihtuahawm erawh a ni lo tih a sawi. ICU aṭangin dah chhuah a ni tawh bawk. Kum 68 mi, Prafulla Kumar Mahanta hi All Assam Students' Union (AASU) president a nih laiin zirlai pawl hian an state-a dan loa awm, ram dang mite hnawhchhuah an nih theihna turin hma an la ṭan a, hei vang hian Assam Accord pawh ziah a lo nih phah tawh a ni.

Hemi hnu hian AASU hruaitu ṭhenkhatte nen political party, Asom Gano Parishad an din a, kum 1985 khan sorkar siamin, kum 33 mi chauh niin Mahanta hi Chief Minister-ah dah a ni a, India rama chief minister ni thei naupang ber a ni.