Nepal tuilianah Assam khua leh tui mi 8 chhan chhuak tawh

Assam chief minister Himanta Biswa Sarma chuan nimin, Pathianni khan Nepal-a tuilian avanga tang mek an state khua leh tui mi pariat chu chhan chhuah an nih tawh thu leh, vawiin Thawhṭanni hian him taka hruai haw theih an nih a beisei tih a sawi. A social media X-ah tarlangin, chhan chhuah hna thawhnaa theihtawp chhuahtu CG Corp-a Varun Choudhary chungah lawmthu a sawi bawk.