Tripura crime rate tlahniam nasa

Tripura chief minister Biplab Kumar Deb chuan state chhunga pawikhawihna, crime rate chu nikum chhung khan 22% in a tlahniam tih a sawi. 

Kar liam taa Police Week programme a hmanpuinaah CM chuan he thu hi a sawi a, "Kum 2019 khan Tripura-ah crime case report 5,988 a awm a, mahse kum 2020-ah chuan case 4,653 awmin, a tlakhniamna hi 22% a tling a ni," a ti. Nasa taka crime rate tlahniam chuan Tripura-a dan leh thupek kenkawh danah a ṭha tawkin a lungawithlak tawk hle tih a tilang a ni, tiin a  sawi bawk. 

Hmeichhe laka pawikhawihna thleng pawh kum 2019 aiin kum 2020-ah 15.4% in a tlahniam tih Deb chuan a sawi bawk a, "Tripura-ah hian hmeichhe laka pawikhawihna a thlen hi ka duh lo a ni," a ti.