Assam: CM-in dairy sector endik

Assam chief minister Himanta Biswa Sarma chuan August 31 khan, state-a dairy sector chu senior official-te nen endikna an nei a, kum nga chhunga bawnghnute production tihpun, processing infrastructure thuam chak leh cooperative network tihpun tumna roadmap a tarlang bawk.

Review meeting-ah hian Chief Minister chuan dairy sector tihchakna tura hmalakna hrang hrang a puangzar a, chung zingah chuan multi-stakeholder brainstorming session buatsaih a, sector-a harsatna tawh ṭhin leh hun remchang pawimawh hriatchhuah a ni. CM chuan department hrang hranga hna ruak awmte luah khahna tur leh, state-a bawnghnute siam chhuahna tura ran vulh zawng zawngte ran vulh survey kimchang tak neih a nih theihna atan hma lak a nih tur thu a sawi a ni.

Roadmap tihchhuaha an ngaih pawimawh zingah, hmeichhiate kaihhruai cooperative society hmanga Assam-a Lakhimi bawng chi hrang hrangte humhalh leh thuam chak pawh a tel a, hemi hmang hian ran vulh humhalh leh thingtlang lama eizawnna tihchak tum a ni. Heng hmalakna tura ruahmante hian Assam-ah dairy ecosystem chak zawk siam a tum a, production leh processing capacity tihchangtlun tum niin, state pumah cooperative participation tihpun tum a ni bawk.