Manipur-ah tribal-te'n camp an bei

Manipur, Noney district-a paramilitary camp chu tribal lungawi loten an bei a, silai ṭha-hnem tak man a ni.

He thil hi Pathianni chawhma lam dar 11 vela thleng a ni a, thi leh hliam na lutuk an awm hriat a ni lo. India Reserve Battalion leh Manipur Rifles-te camp beihnaah hian tribal lungawi lo mi 70 vel zet an tel a, an hmanraw neih ang ang hmangin camp hi an bei a ni. He thil hi tribal-te'n district thar an duh lohna lan tir nana an tih a nih thu leh, he inbeihna thlengah hian silai hmehpuah a ni loh thu tarlan a ni. Camp beihna hmunah hian silai 20 vel zet chu man a ni tho a, a mu ṭhahnem tak pawh man a ni bawk.

Hetih lai hian Imphal-ah silai hmehpuah a ni a, Manipur Rifles mi leh sa te chuan Tiddim panna kawngpui dangtute hnawhdarh nan silai an hmet puak a, thi leh hliam an awm hriat a ni lo. Silai hmetpuaktute hi Congress MLA Phungzathang Tonsing-a house guard-te an ni a, silai hmehpuah a nih hnu hian mi ṭhenkhat lungawi lo chuan MLA chenna-in chu luhchilh tumin an bei zui a ni. He thil thlenna hmun hi police-te chuan an pan nghal a, buaina nasa zawk chhuak loin an ṭin a ni.