Hmarchhak state-te'n National Good Governance Day hman hun duh lo

Hmarchhak state Meghalaya, Arunachal Pradesh leh Mizoram sorkar-te'n December 25-a ‘National Good Go-vernance Day hman an duh loh thu an sawi hnuah, Nagaland sorkar pawhin a duh loh a tarlang ve leh.

Nagaland Chief Mi-nister T.R Zeliang chuan December 25 chu Kristian-te ni pawimawh a nih avangin he mi ni “National Good Governance Day” lo hman chu thil inhmeh lo tak a ni a, an thlawp lo tih a sawi. Nagaland-a pawl hrang hrangte chuan CM hnenah hian NGD hmang lo tura ngenna an lo thlen tawh a ni. Hemi chungchangah hian state sorkar chuan thutlukna a lo siam dawn tih Zeliang chuan sawiin, sorkar thu ngaichang turin pawl hrang hrangte a ngen.

Nagaland Baptist Church Council (NBCC) pawhin December 3 khan sorkar laipuiin Kristian-te ni pawimawh “Good Governance Day” hmang tura thutlukna a siam chungchangah sorkar laipuiah zawhna an lo zawh tawh. Nagaland khawpui Kohima-ah chuan pawl hrang hrang-te 'Good Governance Day’ hman hun sawn phutin an pungkhawm a, thuchhuah eng emaw zat an siam. Hmarchhaka Kristian tamna state eng emaw zat chuan December 25-a ‘National Good Governance Day' hman an thlawp lo thu hi an sawi chhuak tawh bawk.