Arunachal: Changlang-ah Myanmar mi 5 man

Arunachal Pradesh-a Changlang district-ah security force-te chuan, Inrinni khan Myanmar mi panga an man a, an zingah hian hmeichhia pahnih leh mipa pathum an tel. An mi mante hi chhuizuina zau zawk nei turin police kutah hlan an ni. Changlang district leh Myanmar hian ramri hmun lian tham tak an inṭawm a ni.

An mi mante hi Nokwang Taikhe (35), Wenchak Taikhe (21), Chaksang Taikhe (16), Wennaw Tuchi (12) leh Dungeon Kachik (15)-te an ni a, official-te chuan district-a an luh chhan hi an chhuizui nghal a ni. Changlang district hi dan loa ruihhlo tawlhrukna atana kawng hman hluar a ni chho zel a, Myanmar nen ramri an inṭawm avangin helai kawng hmang hian bungrua phurh luh a hluar hle bawk.

Tun hnai khan Arunachal Pradesh-a Changlang district-a Nampong police station hnuai, Nongkey khaw bulah 21 Assam Rifles-te chuan Arunachal Pradesh police-te nen Myanmar mi pahnih an lo man tawh bawk a ni. Team hian brown sugar nia rinhlelh, gram 130.09-a rit an hmuchhuak bawk a, hei hi international market-ah Rs nuai 26 man hu a ni.