Vice President-in Assam, Meghalaya, Manipur leh Arunachal tlawh ṭan

India vice president C. P. Radhakrishnan chuan September 6 khan ni li chhung cham turin Assam, Meghalaya, Manipur leh Arunachal Pradesh a tlawh ṭan a, September 9 thleng programme neih a ni ang. Programme-ah hian zirna in hrang hranga evmt, culture programme leh state palia a cham chhungin mipuite nen inkawmna hun an nei bawk ang.

Radhakrishnan hian September 6 khan Assam a tlawh ṭan a, Kanya Mahavidyalaya tih ṭhin, Geetanagar College-a Golden Jubilee lawmnaah a telpui a ni. Hei bakah Srimanta Sankaradeva University of Health Sciences (SSUHS) convocation ceremony-ah pawh a tel. Nimin September 7 khan Guwahati-a Gauhati University Convention Centre-ah zirlai, faculty member leh mipuite nen inkawm hona an nei bawk. Hemi hnuah Shillong tlawh lehin, Soso Tham Auditorium-ah public reception leh culture programme a hmanpui bawk a ni.

Vice President hian vawiin September 8 hian, Imphal a tlawh dawn a, INA Museum leh Moirang-a War Memorial bakah Sainik School Imphal-a programme buatsaihah a tel dawn a ni. September 9 hian Arunachal Pradesh-a state Legislative Assembly special session-ah a tel dawn a, Assembly Gallery-cum-Museum a tlawh bawk ang. Radhakrishnan hian Arunachal Pradesh khawpui Itanagar-a Jawaharlal Nehru State Museum, Nyedar Namlo a tlawh dawn a, Donyi Polo Mission School for the Hearing and Visually Impaired a tlawh bawk ang.