Assam Accord : CM-in Union Cabinet thutlukna pawmpui

Assam Chief Minister Sarbananda Sonowal chuan Nilaini khan sorkar laipuia Union Cabinet-in Assam mipuite nihna leh an ṭawng humhimna tura hmalakna tur, Assam Accord clause 6 a siam chu a pawmpui tih a sawi. 

Sonowal chuan Union Cabinet thutlukna chu Assam mipuite tana sorkar laipuiin kumthar thilpek a pek a nih thu a sawi bawk.

Cabinet thutlukna chu chhuan lo la awm leh zel tur tan pawh thil ṭha tak a nih tur thu sawiin, hnam hrang hrangte venhimna tur a ni, a ti. 

Union Cabinet hian Prime Minister Narendra Modi kaihhruaina hnuaiah Nilaini khan Assam Accord Clause 6 kalpuina tur High Level Committee dinna tur chu a remti a, hemi hnuaiah hian Memorandum of Settlement, 2003 leh Bodo community kaihhnawih thil hrang hrang te chu ngaihtuah tel a ni dawn bawk.

Sonowal chuan union cabinet-in high level committee a din hmang chuan Assam Legislative Assembly, local body-te leh Assam sorkara hna dil chungchangahte seat reservation siamna turin kawng a inhawng dawn niin a sawi a ni.