Silai licence nei tamna ber Nagaland

Hmarchhaka silai/ralthuam license nei tamana ber chu Nagaland niin, license nei 38, 966 an awm niin report chuan a tarlang.

National Database of Arms Licences and Arms Licences Information System portal report in a tarlan danin silai/ralthuam license register 35, 87,016 zingah, hmar­chhak bikah chuan 1, 62,303 ziahluh a nih thu an tarlang a ni.

Nagaland chu license nei tamna ber niin Arunachal Pradesh chuan dawtin license nei 35,406 an awm a, Manipur chu pathumna niin license nei 29,274 an awm thung.

Meghalaya-ah chuan 19,982 in an nei a, Assam-ah 19,617 in nei bawkin, Mizoramah chuan mi 16,203 in silai/ralthuam license an nei thung a, Sikkim-ah 2,489 in nei bawkin Tripura-ah erawh mi 366 chiahin an nei a ni.