Meghalaya: CM-in Malki Market siamṭhatna tur lungphum phum

Meghalaya chief minister Conrad K Sangma chuan, Shillong-a Malki Market Rs vbc 24.27 senga siamṭhatna tur chu tualchhung MLA, Dr Ampareen Lyngdoh hriatpuinain lungphum a phum. He project hian Malki leh a chhehvela sumdawng leh chengte tan, sumdawnna hmun changtlung leh phuisui zawk a siamsak dawn a ni.

Project hi Shillong chhunga sumdawnna leh vantlang hmunte tihdanglam leh tihchangtlun tumna a ni. Malki Market siamṭhat a nih rual hian market leh khawpui chhung tihhmasawn hna dang eng emaw zat kalpui mek a ni bawk. Chief Minister chuan heng hmalaknaah hian State Budget leh Smart City hmalakna kaltlangin Rs vbc 100 invest a nih thu a sawi. Sangma chuan Malki redevelopment project thawktu tur agency-te chu quality ṭha bakah, a hun taka zo fel turin a ngen.

Tualchhung mipuite chu project thawn dan enfiah tur leh, project chuan sumdawng, dawr neitu leh mipui mamawh phuhruk a nih theihna atan thawhpuina a ngen bawk. Project hian khaw chhunga sumdawnna infrastructure a thuam chak dawn bakah, sumdawnna leh mipuiten an chhawr ṭangkai thei dawn a ni.