Arunachal : Rs nuai 39 tichingpentu post office staff man

Arunachal Pradesh police-te chuan Post Office-a thawk, hmeichhe pakhat chu sorkar fund Rs nuai 39.25 a tihchingpen avangin an an tih an sawi.

Police-ten an man hi Tawang Post ozffice-a staff a ni a, postal department lamin complaint an theh luh hnuah tun kar tir lam khan an man a ni. Post Office, Bomdila Postal Sub Division inspector H Nilamai Singh-a'n complaint a theh luhah, staff hian Postal Life Insurance (PLI) leh Rural Postal Life Insurance (RPLI) atana sum lakkhawmte chu a lo tichingpen a, vawi tam tak hriattir a nih hnuah pawh official account-ah a deposit lo tih a sawi. Department thuneituten thu an zawhfiahnaah, staff hian sum dah tur hi a awm loh thu leh, amah ngeiin dik lo taka a hman thu pawh ziakin a theh lut tih a sawi bawk.

Tawang Police Station-ah thubuai ziak lutin, officer-in-charge N. Angu chuan a chhui zui a, an man ta a ni. Police custody-ah awmin, chhuizuina zau zawk pawh neih zui zel an tum.