Meghalaya tlawhtutein register zel a ngai dawn

Meghalaya state cabinet-in Megha­laya Residents Safety and Security Act, 2016 a pawm tak avangin, state pawn lam aṭanga tlawhtu mi tupawh, Meghalaya-a darkar 24 aia rei awm turte chuan registration an tih zel a ngai tawh dawn. 

Deputy chief minister Prestone Tynsong chuan he dan thar hi hman thuai a nih tur thu a sawi a, rules and regulation pawh an siam fel vat dawn tih a sawi. Tynsong chuan he dan hi state pawn lam mi, Meghalaya state-a khawsa te tan chauh ni lo, zirna leh sumdawnna lam thila tlawhtute leh khualzinte thlengin a huam vek dawn tih a sawi. 

Hei hi an state tlawhtute tana ṭha zawk tur leh, Meghalaya sorkar leh mipuite tan pawha ṭha zawk tur a nih thu a sawi a ni.