Tripura: CM-in Urban Polytechnic leh Ayushman Arogya Mandir building hawng

Tripura chief minister Manik Saha chuan September 24 khan A.D. Nagar-ah Urban Polyclinic a hawng a; Radhanagar, Dhaleswar, Jagaharimura, Ujan Abhoynagar leh Ramakrishna Shivalaya Ashram-a Ayushman Arogya Mandirs building tharte chu virtual-in a hawng bawk. Heng hmalaknate hi state sorkarin primary healthcare service tihchak leh, mipui tana medical facility awlsam zawka an dawn theihna tura duan a ni.

Chief Minister chuan state pumah Ayushman Arogya Mandir 1,100 vel hawn a ni tawh tih sawiin, state-a primary healthcare network a thuam chak tih a sawi bawk. CM Saha chuan primary healthcare infrastructure huang zauh a nih avangin damlo hmun danga inenkawl an tlem phah hle tih a sawi. Kum eng emaw zat liam ta chhung khan damlo hmun dang pan 80% velin a tlahniam a ni, a ti.

Kum 2023 khan damlo state pawn pan ngai 555 an awm a, kum 2024-ah 495 awmin, kum 2025-ah 366-ah a tlahniam a, kum 2026-ah 161-ah a tlakhniam thu Chief Minister data chuan a tarlang. Sorkar chuan primary level-a healthcare facility tihchak chu a ngaih pawimawh ber niin, he hmalakna hmang hian damlote chuan hmun hla tak tak pan ngai loa enkawlna an dawn theihna turin leh, hmun dang pan ngai a tihtlem phah bawk a ni.