Meghalaya: Pilot digital learning programme-ah sikul 31 tel dawn

Meghalaya-a East Khasi Hills-a sorkar enkawlna hnuaia sikul 31-a pawl ruk aṭanga pawl 12 zirlaite chu Mathematics leh Science lama digital leh interactive learning kalpuina tur pilot program atan thlan an ni. He hmalakna hi Meghalaya Programme for Adolescent Wellbeing, Empowerment and Resilience (MPOWER) leh CK-12 Foundation bakah Education department thawh honaa kalpui a ni.

He programme-ah hian district chhunga zirtirtu 47 leh sikul principal palite chu digital learning practice leh CK-12 Learning Platform hman dan zirtirna pek an ni. Programme hian thingtlang leh khawpuia sikulte a huam dawn a, classroom-a zirtirna pek kawnga digital hman ṭangkai dan inzirtir a ni dawn a ni. CK-12 platform hmang hian Mathematics leh Science-ah interactive leh adaptive resource pek a ni dawn a, Flexi-ah AI hmanga zirtirna pek leh, zirlaite kaihhruaina leh puihbawmna pek an ni ang.

MPOWER chuan sikul telte chu ICT infrastructure hmangin a pui dawn a, device leh connectivity-te pawh a huam tel dawn a ni. Programme a endik dawn bakah, kalpui a nih dante leh a rah chhuahte pawh a enfiah dawn a ni. He hmalakna hmang hian zirlaite hriatthiamna tihchak leh classroom-ah nasa zawka puih tum a ni a, hemi rual hian zirtirtuten digital resource leh learning data hmanga puihna an pekna turah puih a tum bawk a ni.