Assam: GMCH-ah robot hmanga inzaina hlawhtling tak nei

Assam leh hmarchhak biala public healthcare tana mellung pawimawh tak siamin, Gauhati Medical College and Hospital (GMCH) chuan hmarchhak biala a vawi khatna atan surgeon-ten inzaina atana robot hmang telin lung, thawkna dawt leh lunga valve zaina hlawhtling tak an nei.

He hmalakna hi public healthcare system huanga lung lam enkawlna changtlung zawk neih theihna kawnga hmasawnna lian tak a ni. Robotic-assisted surgery-ah hian technology changkang tak hman a ni a, three-dimensional visualization leh robotic precision-te pawh a tel. He thil hian damlote zai zawh an nih hnua na an tuar tur a chhawk bakah, rang zawkin an dam phah thei a ni.

State chief minister, Himanta Biswa Sarma chuan a social media platform X kaltlangin, GMCH team chu fakin, an hlawhtlinna chu Assam-a public healthcare sector tan inchhuanna tham a nih thu a tarlang. Chief Minister chuan GMCH infrastructure thuam chakna tura sorkar hmalakna tarlangin, tertiary cardiac care tihphuisuina tur bakah, world-class medical facility din tum a nih thu a sawi bawk.

GMCH-a robotic-assisted cardiac procedure hman hian damdawi-ina enkawlna pek a tichak dawn a, Assam leh hmarchhak state dangte pawhin he surgical facility hi an hmang thei dawn bawk a ni.