Gauhati University zirlai thihnaa pawikhawihtu na taka hrem a ni dawn: Assam CM

Assam chief minister Himanta Biswa Sarma chuan, a vawi khatna atan Guwahati-a Dharapur huam chhung homestay-a Gauhati University zirlai Nimisa Thakuria thihna chungchang sawilangin, police-te chuan he thubuai hi an chhui chian mek thu leh, pawikhawihnaa inhnamhnawihte lakah hma an la dawn tih a sawi.

Kum 22 mi Gauhati University zirlai Nimisha Thakuria chu Inrinni zing khan Dharapur-Garal huam chhunga Rudra’s Kitchen homestay-ah nikhaw hre loa hmuh a ni. Tualchhung health facility-ah hruai niin, hemi hnuah Gauhati Medical College and Hospital-ah sawn a ni a, doctor-te chuan a thi tih an nemnghet a ni. Police-te chuan homestay-a awmpui mipa kum 26 mi, Ashiq Ali an man tawh a, thil awmdan chhuichian mek niin post-mortem result nghah mek a ni bawk.

Chief Minister chuan he inthahna hi pawi a tih thu leh, mitthi chu a bial chhung mi a nih thu a sawi. Investigator-te chuan nunna chanta in thuchhuah a neihte leh, social media-a post a siamte an enfiah dawn a, a chenna in an tlawh dawn bakah, a chhungte an be dawn tih a sawi. Facebook leh social media danga a thil post-te zirchian a nih tur thu leh, he thubuai hi a ngaihven zui zel tur thu a sawi a ni.

CM Sarma chuan mahni invenhim theih dan kawng zawn a ṭul thu leh, puitling tawh chin chuan mahni sahimna tur ngaihtuah a pawimawh thu a sawi. Khawsak phung kan uluk chuan khawtlang dinhmun ṭha zawkah a awm thei a ni, a ti. Chhungkaw hlutna leh hnam ziarang chhawmnun pawimawhna sawilangin, hengte hian chhungkuaa buaina awmte tihziaawmna kawngah a pui thei a ni, tiin a sawi.