Tripura: CM-in civil service officer-te mipui rintlaka hna thawk turin chah

Tripura chief minister Manik Saha chuan, civil service officer-te chu an hna thawhnaah mipui tana rintlak, langtlang leh dikna ngai pawimawh hmasa turin a ngen a, an nihna leh zirna lama an qualification chu mipui rawngbawl tura an inpekna aiin a pawimawh lo zawk tih a sawi.

Tripura Civil Service Officers Association-in Agartala-a thawmhnaw semna programme a buatsaiha thu a sawiah, CM Saha chuan sorkar hamṭhatna scheme-te chu mipui leh a bikin mi hnuaihnung zawkte hnen a thlen theihna turin civil service officer-ten mawhphurhna pawimawh tak an nei tih a sawi. Association hian Indira Gandhi Memorial (IGM) Hospital leh, Dental College-a sanitation worker leh security-te hnenah thawmhnaw thar an sem a ni.

Saha chuan civil service officer-te chu mi dangte ṭanpuina hna thawhnaah tel turin a chah a, mi harsa zawkte ṭanpuiin an hnathawh pangngai piah lamah mawhphurhna huang an zauh tur a ni, a ti. Khuarel chhiatna thlen changa chhawmdawlna, thisen pek camp, thlasik thawmhnaw lum sem leh khawtlanga hmalakna dangte chu mipui nena an inzawmna tihchakna a nih thu a sawi bawk.

Tripura Civil Service (TCS) officer-te'n state inrelbawlnaa an thawhhlawkzia tarlangin rinawmna, langtlang leh inpekna nen hna thawk turin a chah a, mipui rinngam ni tur chuan hmalakna mumal tak neih a pawimawh thu a sawi a ni.