PDF Chief hluiin NPP zawm dawn

Meghalaya-a People's Democratic Front (PDF) chief ni ṭhin, Pynshngain N Syiem chuan vawiin hian Nationalist People’s Party (NPP) a zawm dawn nia tarlan a ni.

NPP thupuangtute chuan Pynshngain N Syiem hi February 27-a KHADC inthlan awm turah pawh NPP hming hian a ding nghal dawn tih sawiin, Mawkhar-Pyntho­rumkhrah constituency-ah a ding dawn tih an puang. He constituency-a mipuite nen pawh an inrawn mek niin party thupuangtute chuan an sawi bawk.

PDF Central Executive Committee (CEC) chuan Nilaini khan N Syiem-a banna hi an pawmsak tawh a, PDF president, Ivanlumlang Marbaniang chuan an party in an enhrang nia sawi awm erawh thu dik lo a nih thu a sawi thung.

Syiem hian a hmain an party PDF chuan an enhrang bik niin a lo sawi tawh a ni. PDF chief hlui hian MDC a nihna Mawsynram-a an party zonal unit pawh a ṭhiat tawh bawk a ni.