Manipur: Governor-in clouded leopard, vulture conservation project tlangzarh

Manipur governor Ajay Kumar Bhalla chuan Thawhlehni khan, City Convention Centre-a 72nd Wildlife Week Celebrations 2026 kharna hun hman puiin, nungchate humhalhna tura hmalakna pawimawh pahnih- Manipur Clouded Leopard Conservation Project leh Manipur Vulture Conservation Project-te a tlangzarh nghal a ni.

Kar khat awh programme hi 'Connecting Habitat, Thriving Wildlife' tih thupui hmanga neih a ni. Hun hmanah hian deputy chief minister Losii Dikho pawh a tel a, Manipur Zoological Garden kum 50 tlin lawmna neih a ni bawk. He hunah hian state-in ramngaw leh nungcha humhalh tura hma a lakna te, ramsate chenna hmun enkawlna thuam chak a nih dante tarlan a ni bawk.

Governor Bhalla chuan virtual hmangin ramsa chhan chhuah eng emaw zat chu Yaralpat, Nongmaiching, Heingang leh Bishnupur-a ramngawah a chhuah zalen a ni. Lehkhabu pahnih- 'Birds of Langol Reserve Forest: A Reckoner' leh 'Mahoushagi Maithong' a tlangzarh bawk a, hei bakah chenna leilung humhalhna chawikanna tur awareness campaign a hawng bawk. Governor chuan ramsate hralh ruknaa inhnamhnawihte lakah khauh zawka hma lak a nih tur thu leh, ṭhalaite chuan khawtlang hmalakna thlawp turin a fuih bawk a ni.