Meghalaya : CM-in Sports Science Centre hawng

Meghalaya chief minister Conrad K. Sangma chuan, Shillong-ah High-Performance Sports Science Centre hmasa ber a hawng. He centre hi sports infrastructure thuam chakna tur leh, scientific training, performance analytic leh rehabilitation facility kaltlanga infiammite puihna tura ruahman a ni.

Centre hi Abhinav Futuristics an thawhpuinaa din a ni a; sports science, performance analysis, training leh rehabilitation service te a awm ang. Chief Minister chuan he hmalakna hi sport ecosystem tihchakna tura state hmathlir a nih thu leh, infiammite chu national leh international level-a an tel theihna tura an mamawh angte pek an ni dawn tih a sawi.

Sangma chuan state-in national leh international sport competition-ah medal lak ngei a tum thu a sawi rualin, infiamna lama hlawhtlinna bakah huang zauh zel a pawimawh thu a sawi. Infiamna chu nunphung anga kalpuiin hmahruaitu nih a pawimawh thu a sawi bawk. Centre thar chuan infiammite hmasawnna kawngah a puih theih a beisei thu leh, training leh recovery-ah scientific method hman a ni dawn a, hun lo awm turah infiamna lama talent neih ṭhate chawikanna atan a pawimawh tih a sawi bawk a ni.