Meghalaya : UDP MLA 3-in NPP zawm dawn

Meghalaya-a United Democratic Party (UDP) MLA pali zinga pathum chuan khan rorellai, chief minister Conrad Sangma party, National People's Party (NPP) an zawm dawn. UDP hian MLA pakhat chauh a nei dawn ta a, hetih laiin NPP MLA neih zat hi 33 aṭangin 36-ah a pung dawn ta thung a ni.

UDP hian a hmain MLA 12 a nei ṭhin a, mahse a hmain MLA pariat chuan BJP an zawm a, October 16 khan Assembly speaker Thomasa A Sangma chuan BJP-a an inchhun luh hi a lo pawmsak tawh a ni. UDP MLA ten an zawm hnuah BJP hian MLA 10 an neih phah ta a ni. Hemi hnuah party MLA pali an la neih zinga pathum chuan NPP hi an zawm leh a, UDP hian MLA pakhat, minister ni lai Metbah Lyngdoh chauh a nei tawh.

BJP leh UDP hi Meghalaya-a NPP kaihhruai ṭangrual sorkar, Meghalaya Democratic Alliance (MDA) ah an tel ve ve a ni. NPP hi party mala MLA ngah ber niin, Assembly member 60 awmnaah member 36 a nei thei ta a ni. Meghalaya assembllyh inthlan hi kum 2028 kumtir lamah neih a ni ang.