Cachar-ah khawlai ui beih tawk mi 40 chuang awm tawh

Assam-a Chachar district-a Kalain huam chhungah, Durga Puja lawmna neih a nih chhungin khawlai ui (stray dog) beih tawk mi 40 chuang an awm tawh a, mipuiah hlauhthawnna nasa tak a thlen bawk. Kalain leh Katigorah-a damdawi-inah te anti-rabies vaccine indaih lohna a awm avangin, ui sehte chu Silchar-ah inenkawl turin an kal a ngai a ni.

Ui a hri vei nia rinhlelhin hmun hrang hrangah mipui a bei a, Kalain Market leh tualchhung damdawi-in chhehvelah te pawh beih tawk an awm nia report a ni. He ui hi Sadir Khal market huam chhunga thah a ni tawh a ni. Ui sehte chu vaccine la turin Silchar an pan a ngaih avangin harsatna an tawk a, local health facility-te chu inbuatsaihna ṭha nei turin mipuiten an ngen. Hei bakah health department inrawlh an phut bawk a, Kalain leh Katigorah-a damdawi-inah a rang thei ang bera anti-rabies vaccine dah an phut bawk.