Assam: Governor-in PM Modi hmu

Assam governor Lakshman Prasad Acharya chuan October 19 khan New Delhi-ah prime minister Narendra Modi a hmu a, Assam Lok Bhavan-in ṭhalaite hamṭhatna tihhmasawn, hnama chianna leh ṭhalaite zinga ram hmangaihna chawikanna tura hma lak dan hrang hrangte a hrilh a ni.

Governor leh PM hian ṭhalaite thuam chak, ruihhlo hman sual chungchanga inzirtirna, mahnia intundin leh ram leh hnam humhalh chungchangte chu an thil sawi pawimawh zingah a tel. Acharya hian Assam Lok Bhavan-in hmalakna a kalpui pahnih- 'Nashamukt Yuva for Viksit Bharat' leh 'Namo Matribhoomi Suraksha evam Swavalamban Sankalp Saptah' te a sawilang bawk.

He hmalakna hi ṭhalaite thuam chakna tur a ni a, ruihhlo hman sual pawizia inzirtirna leh ram leh hnam humhalh tura an mawhphurhna bakah, mahnia intungding tura zirtirna kawnga hmalakna a ni bawk. Governor chuan Modi chu Lok Bhavan hmalakna hmanga ṭhalaite zinga ram leh hnam hmangaihna leh, ram hmasawnna tura an mawhphurhnate zirtir an nih thu a hrilh bawk a ni.

Assam sorkar leh sorkar laipui hian ruihhlo do hna kalpui mekin, Assam chief minister Himanta Biswa Sarma chuan thla hmasa khan an state-ah ruihhlo Rs vbc 80 dawn hu man a nih thu Pathianni khan a lo sawi tawh bawk. Special Task Force (STF) in ruihhlo do hna hi ngawrh taka an kalpui mek thu leh, tumah ngaihnathahiam an nih loh tur thu a sawi.