Assam: Durga Puja hunlaia lirthei chesualah mi 9 an thi

Assam-a Gauhati Medical College and Hospital (GMCH) tarlan danin, October 16 - 21 a Guwahati-a Durga Puja hman hun chhungin lirthei chetsualna thlengah mi pakua an thi a, mi 105-in hliam an tuar.

Festival chhung hian puja pandal tlawh tur leh, puja lawmnaa tel tura chhuak an tam avangin lirthei tlan pawh a pung nasa hle. Hliam tuar zingah hian hmeichhia 15 an tel. Hospital chuan hliam tuar zinga 20% chu an dinhmun a ṭha lo hle niin a tarlang bawk.

Lirthei chetsual tam zawk hi two wheeler an ni. Lirthei chetsual avanga thihna leh hliam na tak tuar awm eng maw zat an awm chungin, nikum Puja hun lai nena khaikhin chuan lirthei chetsualna thleng hi 15%-in a tlahniam nia sawi a ni.