Arunachal: Buaina chhuak vangin MHA-in RAF leh CRPF tir

Arunachal Pradesh-a MW-11,200 Siang Upper Multipurpose Project (SUMP) kalpui tur duh lohna lantirnaah Pasighat-ah buaina nasa tak a chhuah avangin sorkar laipui chuan venhimna kengkawh turin Rapid Action Force (RAF) leh Central Reserve Police Force (CRPF) a tir tih official-ten an sawi.

Ministry of Home Affairs (MHA) chuan Inrinni khan heng company pahnih, mi 250 vel awmna chu Navi Mumbai aṭangin Indian Air Force transport aircraft hmanga thawn an ni tih a tarlang a, nimin khan Pasighat an thleng a ni. RAF hi CRPF-a anti-riot unit an ni. CRPF unit eng emaw zat chu buaina chhuahna hmunah hian an awm tawh a, state sorkarin pawhin CRPF battalion pathum vel a dah tawh a ni.

Official-te chuan CRPF-te hian Zirtawpni aṭang khan lungawi loh lantirnaah hian venhimna an kalpui tawh a, buaina nasa zawka chhuak tur pawh an dang thei tih an sawi. Buaina chhuakah hian police leh central force zingah hliam eng emaw zat an awm. Zirtawpni zan khan mipui pungkhawm chuan NHPC office leh police station an hal bakah, political party hruaitu pathumte chenna in an bei a, chung zingah chuan state BJP President chenna in pawh a tel.

Chief minister Pema Khandu chuan buaina chhuak lo zawnga lungawi lohna lantir a pawimawh thu a sawi. Pasighat-a buaina chhuak chu pawi a tih thu leh, society hrang hrangte chu remna leh muanna vawng turin a chah. Buaina chhuakah hian police 40 vel an hliam a ni.