Nagaland: Kohima-ah five-star hotel hmasa ber hawng

Nagaland khawpui Kohima-ah an state-a five-star hotel hmasa ber chu governor Nand Kishore Yadav-a'n a hawng. He hotel-ah hian room 56 a awm.

Yadav chuan hospitality lama investment tih chuan hnathawh tur a siam dawn a, entrepreneuship a thuam chak dawn bakah state economy ṭhanlenna atan a pawimawh tih a sawi. Hospitality infrastructure thuam chak chuan state tlawhtu a tipung dawn tih sawiin, tourism chuan tualchhung community-te tan economy lama ṭhanlenna a thlen tih a sawi bawk. Tourism chu khualzinte hipna chauh ni loin, tawnhriat awmze nei leh tualchhung community-te hamṭhatna thlentu a ni, a ti. Tualchhung thil siam chhuah pholanna hun a siamsak a, ṭhalaite enzawnna kawngah a pui tih a sawi bawk.

Kohima khawpui chuan chawlh hahdamna, hnam ziarang leh sumdawnna lama khualzin hip theihna a neih thu a sawi bawk a, Hornbill Festival chu Nagaland rohlute pholanna hmunpui a ni, a ti bawk.