Sikkim: Lachung-ah Villa 17 awmna Signature Retreat hawng dawn

Summit Hotels & Resorts chuan an Signature Collection huang zauhna turin, North Sikkim-a Lachung-ah villa 17 awmna retreat chu kumin December thla hian an hawng dawn.

Lachung hi feet 8,600 vela sanga awm a ni a, Gangtok aṭanga km 118 vela hla a ni. North Sikkim-a hmun pawimawh eng emaw zat luhka niin, chung zingah chuan Yumthang Valley, Zero Point leh Katao-te pawh an tel. Villa 17-te hi Sikkim hnam tihdan anga sak an ni ang. Lachung hi a tlangram mawi tak avang te, chhawkhlei tamna ram ngaw leh Bhutia hnam nunphung pangngai anga an la khawsakna avang tein hriat a hlawhin khualzin pawh a hip hle a ni.

Lachung-ah hian hunbi neiin activity hrang hrang kalpui ṭhin a ni a, chung zingah chuan rhododendron viewing, winter snow excursion leh stargazing-te pawh an tel. He retreat thar hawn tur hian Lachung-Yumthang-Zero Point circuit kal theihna a thuam chak dawn bawk a ni.

Company Signature Collection hnuaiah hian Gangtok-ah Summit Norbu Ghang leh Arunachal Pradesh-a Dirang-ah Summit Rungkhung Village Resort te pawh hawn a lo ni tawh bawk.