Assam: Naupang inneihtirna kaihhnawihah mi 500 chuang man tawh

Assam chief minister Himanta Biswa Sarma chuan Nilaini khan, naupang inneihtirna do beihpui thlak mekah thubuai 460 ziah luh a nih tawh thu leh, mi 537 man an ni tawh a, sorkarin naupang inneihtirna thleng ṭhin tihtawp tumin hma a la chhunzawm zel dawn tih a sawi. Kum 2023 khan naupang inneihtirna do beihpui thlakna hi neih ṭan a ni.