Sikkim: CM-in tourism hmasawnna turin inkalpawhna leh infrastructure ṭha siam phut

Sikkim chief minister Prem Singh Tamang chuan, hmarchhak bial state pariata tourism thuam chakna turin inkalpawhna leh infrastructure ṭha zawk siam a phut a, cultural heritage humhalh tura nasa zawka ṭan lak a pawimawh thu a sawi. Arunachal Pradesh-a Tawang-a 14th International Tourism Mart (ITM) hawnna, Ningania neiha thu a sawiah, Tamang chuan hmarchhak bial tourism thuam chakna atan thawh hona ṭha neih a ṭul thu a tarlang bawk.

CM Tamang chuan veivahna leh tourism infrastructure thuam chak leh tihphuisui chuan khualzin tam zawk a hip dawn a, cultural heritage chawikanna a nih rualin, tualchhung community tan tourism kaihhnawihah hamṭhatna a thlen thei tih a sawi. A kaihhruai sorkarin hmalakna hrang hrang a kalpuite sawilangin, Sikkim-ah homestay tam zawk siam, mi tlawh tam lohna hmun chawilar leh, tourism infrastructure thuam chak a nih thu a sawi.

Tourism huang zauh chuan hnathawh tur a tipung tih sawiin, tualchhung mipuite tan eizawnna kawng a hawnsak a, a bikin ṭhalaiten mahnia intundin theihna an neih theih phah tih a sawi. Prime minister Narendra Modi kaihhruaina hnuaia inkalpawhna, tourism leh hmarchhak biala hmasawnna hrang hrang kalpui a ni chu lawmawm a tih thu leh, 'Ashta Lakshmi' hmathlir hmangin khawvel puma khualzin tlawh tamna hmunah a siam thei tih a sawi bawk.