Assam: Tank farm puakah hnathawk 5-in hliam na tak tuar

Assam-a Dibrugarh district-a Tengakhat-ah nimin Zirtawpni khan Oil India Limited (OIL) Intermediate Tank Farm (ITF) a puak a, hnathawk pangain hliam na tak an tuar a, hnathawk pakhat dang a awmna chin hriat a ni lo.

He chhiatna hi hnathawkte'n facility-a valve an hman laia thleng nia sawi a ni. Chhiatna thlenna hi tank farm-a crude oil dahkhawmna hmunah a ni a, kangmei nasa tak a chhuak zui bawk. Hliam tuarte hi an vaiin Dibrugarh-a Assam Medical College and Hospital (AMCH)-ah hruai nghal an ni a, an dinhmun a ṭha lo hle nia sawi a ni. Hliam tuarte hi Oil India Limited hnuaia Mumbai-a hmunpui nei,Spectron Engineers Private Limited-te chhawr an ni.

Tank farm puak leh kangmei chhuah chhan hi hriat chian a la ni lo a, OIL thuneituten thuchhuah an la nei lo bawk. Official-te chuan helai hmunah hian fire department leh disaster response force tirh an ni tih an sawi.